ಮಾಣಿಕರಾವ ಸಿ.ಪಾಟೀಲ್

ಉದಯೋನ್ಮುಖ ಯುವ ಬರಹಗಾರ ಮಾಣಿಕರಾವ ಪಾಟೀಲ್ ರವರು ಕನ್ನಡ ಸಾಹಿತ್ಯ ರಚನೆಯಲ್ಲಿ ತುಂಬ ಆಸಕ್ತರಾಗಿ ಸಾಹಿತ್ಯ ರಚಿಸುತ್ತಿದ್ದಾರೆ. ಇವರು ಬೀದರ ಜಿಲ್ಲೆ ಭಾಲ್ಕಿ ತಾಲೂಕಿನ ಖಾನಾಪೂರ ಗ್ರಾಮದ ಚಂದ್ರಶೇಖರ ಮತ್ತು ಲಕ್ಷ್ಮಿಬಾಯಿ ದಂಪತಿಗಳಿಗೆ ದಿನಾಂಕ ೯-೪-೧೯೯೫ರಲ್ಲಿ ಜನಿಸಿದ್ದಾರೆ. ಮತ್ತು ಅವರ ಬಾಲ್ಯ ಸ್ನೇಹಿತ ಆಕಾಶ ಹಿರಿವಗ್ಗೆ ಅವರೊಂದಿಗೆ `ದಕ್ಷಿಣ ಕಾಶಿ ದರ್ಶನ' ಎಂಬ ಪೌರಾಣಿಕ ಹಾಗೂ ಐತಿಹಾಸಿಕ ಕೃತಿಯನ್ನು ರಚಿಸಿದ್ದಾರೆ. ಇದು ಭಾಲ್ಕಿ ತಾಲೂಕಿನ ಪ್ರಸಿದ್ಧ ಮೈಲಾರ ಮಲ್ಲಣ್ಣನ ಚರಿತ್ರೆ ಹೇಳುತ್ತದೆ. ಮೈಲಾರ ಮಲ್ಲಣ್ಣನ ಕ್ಷೇತ್ರಕ್ಕೆ ಇತಿಹಾಸದಲ್ಲಿ `ದಕ್ಷಿಣ ಕಾಶಿ' ಎಂದು ಹೆಸರು ಪಡೆದಿದೆ. ಆ ಹೆಸರೆ ಸೂಚಿಸುವ ಪುಸ್ತಕ ಇದಾಗಿದೆ. ಮೈಲಾರ ಮಲ್ಲಣ್ಣ ದೇವಸ್ಥಾನ ಕ್ಷೇತ್ರಕ್ಕೆ ಮೊದಲು ಪ್ರೇಮಾಪೂರ, ಮೈಲಾಪೂರ,ಖಾನಾಪೂರ, ಮತ್ತು ದಕ್ಷಿಣ ಕಾಶಿ, ಎಂಬ ವಿವಿಧ ಹೆಸರಿನಿಂದ ಕರೆಯುತ್ತಿದ್ದರೆಂದು, ಆ ಗ್ರಾಮದ ಕುರಿತು ಇತಿಹಾಸ ಹೇಳುವ ಈ ಕೃತಿ ಪ್ರವಾಸಿಗರಿಗೆ ಉತ್ತಮ ಮಾರ್ಗದರ್ಶಿ ಕೈಪಿಡಿಯಾಗಿ ಕಂಡು ಬರುತ್ತದೆ