ಡಾ.ಕೆ.ಎಂ.ಮೇತ್ರಿ

ಕಲ್ಯಾಣ ಕರ್ನಾಟಕದ ಸಾಹಿತ್ಯ ಕ್ಷೇತ್ರದಲ್ಲಿ ಹಲವಾರು ಪುಸ್ತಕಗಳು ಬರೆದು ಖ್ಯಾತರಾದ ಲೇಖಕರೆಂದರೆ ಡಾ.ಕೆ.ಎಂ.ಮೇತ್ರಿ. ಇವರು ಬೀದರ ಜಿಲ್ಲೆ ಬಸವಕಲ್ಯಾಣ ತಾಲೂಕಿನ ಗೌರ ಗ್ರಾಮದ ಮಾರುತಪ್ಪಾ ಮತ್ತು ಮಲ್ಲವ್ವ ದಂಪತಿಗಳಿಗೆ ದಿನಾಂಕ ೧-೮-೧೯೬೨ರಲ್ಲಿ ಜನಿಸಿದ್ದಾರೆ. ಎಂ.ಎ. ಸಮಾಜ ಶಾಸ್ತ್ರ, ಎಂ.ಎ.ಮಾನವ ಶಾಸ್ತ್ರ, ಎಂ.ಎಡ್. ಪಿ.ಎಚ್.ಡಿ. ಮತ್ತು ೧೫ವಿವಿಧ ಡಿಪ್ಲೊಮಾ ಪದವಿಧರರಾದ ಇವರು ೧೯೯೬ರಲ್ಲಿ ಹಂಪಿ ವಿಶ್ವವಿದ್ಯಾಲಯದಲ್ಲಿ ಪ್ರವಾಚಕ ಮುಖ್ಯಸ್ಥರಾಗಿ ಸೇವೆಗೆ ಸೇರಿ ೨೦೦೪ರಿಂದ ಬುಡಕಟ್ಟು ಅಧ್ಯಯನ ವಿಭಾಗದ ಪ್ರಾಧ್ಯಾಪಕ, ಮುಖ್ಯಸ್ಥರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಇವರು `ಸೂಕ್ಷ್ಮ ಆದಿವಾಸಿಗಳು', `ಗೊಂಡಮಾನ ಗೊಂಡಿ ಶಬ್ದಕೋಶ', `ಹಾಲು ಮತ ಬುಡಕಟ್ಟುಗಳು', `ತುಳುನಾಡು ಹೆಗ್ಗಡೆ ಸಮೂದಾಯ', `ಮರಗು ಭಾಷೆ', `ಅಲಕ್ಷಿತರ ಸಮಾಜ ಶಾಸ್ತ್ರ', ಎಂ.ಎ ಪ್ರಥಮ ಕೋರ್ಸು-೪, ಮತ್ತು `ಕುರುಗೋಡು ನೀಲಮ್ಮನವರ ಸಾಂಸ್ಕೃತಿಕ ಅಧ್ಯಯನ ' ಎಂಬ ಕೃತಿಗಳು ಮತ್ತು `ಬುಡ್ಗ ಜಂಗಮ', `ದಕ್ಕಲಿಗ', `ಗೋಸಂಗಿ', `ಹಂಡಿ ಜ್ಯೋಗಿ', `ಸುಡುಗಾಡು ಸಿದ್ದ', `ಡುಂಗ್ರಿ ಗರಾಸಿಯ', `ಹಕ್ಕಿ ಪಿಕ್ಕಿ', `ಪಾರಧಿ', `ಹೆಳವರು', `ಕೊರಮ', `ಶಿಳ್ಳೆಕ್ಯಾತ', `ಸಿಂಧೋಳ್ಳು', `ರಾಜಗೊಂಡ' `ಬೈಲಪತ್ತಾರ' `ದೊಂಬಿದಾಸ' `ಘಿಸಾಡಿ' `ಗೊಂಧಳಿ'. `ಕಂಜರ ಭಾಟ'. `ಸಿಕ್ಲಿಗರ ಅಲೆಮಾರಿ ಕುರುಬ ' `ಕಾಡುಗೊಲ್ಲ', `ಎಲ್ಲಮನ ಕಥನ ಕಾವ್ಯ', `ಬುಡ್ಗ ಜಂಗಮ ದರ್ಶಿನಿ', `ಬುಡ್ಗ ಜಂಗಮರು', `ಬುಡಕಟ್ಟು ಕುಲಕಸುಬುಗಳು', `ಕೃಷ್ಣ ಗೊಲ್ಲರ ಕಥನ ಕಾವ್ಯಗಳು', `ಕುಮಾರ ರಾಮ ಮತ್ತೆ ಕೃಷ್ಣ ಗೊಲ್ಲರ ಮಹಾಕಾವ್ಯ' ಎಂಬ ಸಂಪಾದಿತ ಕೃತಿಗಳು . ಮತ್ತು ಸುಲ್ತಾನ ಸುರಳಿ, ಸೇರಿದಂತೆ ಒಟ್ಟು ೪೨ ಪುಸ್ತಕಗಳು ಪ್ರಕಟಿಸಿದ್ದಾರೆ. ಇವರು ಬರೆದ ನೂರಾರು ಲೇಖನಗಳು ನಾಡಿನ ಪ್ರಮುಖ ಪತ್ರಿಕೆ ಹಾಗೂ ಪ್ರಾತಿನಿಧಿಕ ಸಂಕಲನಗಳಲ್ಲಿ ಪ್ರಕಟವಾಗಿವೆ. ಇವರಿಗೆ ೨೦೨೦ರಲ್ಲಿ ಬಿರ್ಸಾ ಮುಂಡ ರಾಷ್ಟಿçÃಯ ಪ್ರಶಸ್ತಿ, ಲಭಿಸಿದೆ. ಸದ್ಯ ಇವರು ಹಂಪಿಯಲ್ಲಿ ವಾಸವಾಗಿದ್ದಾರೆ.