ದಿ.ಶಿವಕುಮಾರ ಎಂ.ಲಕ್ಕಾ

ಸಾಹಿತಿ ಶಿವಕುಮಾರ ಎಂ.ಲಕ್ಕಾ. ಇವರು ಬೀದರ ಜಿಲ್ಲೆ ಹುಮನಾಬಾದ ತಾಲೂಕಿನ ಹಳ್ಳಿಖೇಡ (ಕೆ) ಗ್ರಾಮದ ಶ್ರೀ ಮಹಾರುದ್ರಪ್ಪ ಮತ್ತು ಶ್ರೀಮತಿ ಶಾಂತಾಬಾಯಿ ದಂಪತಿಗಳಿಗೆ ದಿನಾಂಕ ೧೦-೬-೧೯೭೪ರಲ್ಲಿ ಜನಿಸಿದ್ದಾರೆ. ಡಿಪ್ಲೊಮಾ ಇನ್ ಎಲೆಕ್ಟ್ರಾನಿಕ್ಸ್ ಕೋರ್ಸ್ನ್ನು ಪಡೆದ ಇವರು ಬಸವಕಲ್ಯಾಣದ ಶ್ರೀ ಶರಣ ಬಸವೇಶ್ವರ ಖೂಬಾ ಜೆ.ಒ.ಸಿ ಕಾಲೇಜಿನಲ್ಲಿ ಲ್ಯಾಬ್ ಇನ್ಸ್ಪೆಕ್ಟರ್ ಆಗಿ ಸೇವೆ ಸಲ್ಲಿಸಿ ನಂತರ ಬೆಂಗಳೂರಿಗೆ ವರ್ಗಾವಣೆಗೊಂಡು ಕೆಲ ವರ್ಷಗಳ ನಂತರ ಅಂದರೆ ದಿನಾಂಕ ೨೯-೧೦-೨೦೧೫ರಲ್ಲಿ ಅಕಾಲಿಕ ಮರಣ ಹೊಂದಿದ್ದಾರೆ. ಇವರು ೨೦೦೪ರಲ್ಲಿ `ಮೊಗ್ಗು ಅರಳಿದಾಗ' ಎಂಬ ಕವನ ಸಂಕಲನ ಪ್ರಕಟಿಸಿದ ಇವರು ಸಾಹಿತ್ಯ ಕ್ಷೇತ್ರದಲ್ಲಿ ಮೊಗ್ಗಾಗಿ ಅರಳುವ ಹೊತ್ತಿನಲ್ಲಿಯೆ ಉದುರಿ ಹೊಂದದ್ದು ತುಂಬ ನೋವಿನ ಸಂಗತಿಯಾಗಿದೆ. ಬದುಕಿನುದ್ದಕ್ಕೂ ಕವನ, ಲೇಖನ, ಹನಿಗವನ ಬರಹಗಳಲ್ಲಿ ತಲ್ಲಿನರಾಗುತ್ತಿದ್ದ ಅವರು ಹಲವಾರು ಕವಿಗೊಷ್ಠಿಯಲ್ಲಿ ಭಾಗವಹಿಸಿ ಪರಿಚಿತರಾಗಿದ್ದರು.